ShQO turǵyndary jol erejesin bes kúnde 6,3 myń ret buzdy

ÓSKEMEN. QazAqparat – Shyǵys Qazaqstan oblysynda 5 bes kúnde jol qozǵalysy erejesin buzǵan 1200-den astam jaıaý júrginshi jaýapkershilikke tatyldy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, tártip saqshylary óńir aýmaǵynda jol qozǵalysy erejesin buzýdyń jáne jol apattarynyń aldyn alý maqsatynda «Qaýipsiz jol» sharasyn ótkizdi. Sonyń nátıjesinde, 5 kún ishinde jol erejesin buzýdyń 6300-den astam faktisi anyqtaldy.

«Atap aıtqanda, 54 adam – mas kúıde kólik basqarǵany úshin, 770 júrgizýshi – jyldamdyqty ruqsat etilgen shekten asyrǵany úshin, 590-y – rýlde otyryp, telefon paıdalanǵany úshin jaýapqa tartyldy. Al 39 júrgizýshi qarsy jolaqqa shyqqany úshin kólik júrgizý quqyǵynan aıyryldy», - delingen aqparatta.

Máselen, Óskemende patrýldik polıtsııa batalonynyń qyzmetkerleri Bajov kóshesin patrýldeý kezinde 37 jastaǵy turǵynnyń basqarýyndaǵy «VAZ» avtokóligin toqtatty. Qujattardy tekserý kezinde er adamnyń ózin ustaýy polıtseılerge kúdik uıalatty. Keıinnen anyqtalǵandaı, ol mas kúıde bolǵan. Sondaı-aq er adam 2020 jyly 7 jyl merzimge júrgizýshi kýáliginen aıyrylǵan. Qazir ol ýaqytsha ustaý ızolıatoryna qamaldy.

Shara barysynda polıtsııa qyzmetkerleri jol qozǵalysy erejesin buzǵan 1200-den astam jaıaý júrginshige aıyppul saldy. Budan bólek, 74 kólik aıyp turaǵyna qoıylyp, 65 kóliktiń memlekettik nómiri tárkilendi.