ShQO turǵyndary zańsyz saqtalǵan 140 qarýdy polıtsııaǵa ótkizdi
ShQO polıtsııa departamenti baspasóz qyzmetiniń málimetine súıensek, 25 sáýirde óńir turǵyndarynan zańsyz saqtalǵan qarýdy satyp alý aktsııasy bastaldy.
Osy ýaqytqa deıin azamattar óz erkimen 140 atys qarýyn ótkizdi. Onyń ishinde 23 oıyq jáne 115 tegis uńǵyly qarý bar.
Beriletin syıaqynyń jalpy somasy 9 mıllıon teńgeden asady. Búginde 52 adam aqshasyn alyp úlgerdi.
«Tapsyrylǵan qarýdyń árbir túri boıynsha krımınalıstıkalyq saraptama júrgiziledi. Odan keıin qarýdyń sanatyn anyqtaı otyryp, qorytyndy shyǵarylady. Qarý-jaraqty óz erkimen tapsyrǵany úshin qarýdyń túri men sanatyna qaraı respýblıkalyq bıýdjetten tólem berý kózdelgen. Syıaqy mólsheri 10-nan 100 AEK-ke deıingi (31 800-dan 318 000 myń teńge) aralyqta», - delingen aqparatta.
Esterińizge sala ketsek, osyǵan deıin Semeıde zeınetkerdi aldap soqqan týysy úıin óz atyna aýdaryp alǵanyn habarlaǵan edik.
Foto: russiaedu.ru