ShQO turǵyndary úshin jarty mln tonnaǵa jýyq kómir jetkizildi

ÓSKEMEN. QazAqparat – Shyǵys Qazaqstan oblysynyń turǵyndary úshin 450 myń tonnadan astam kómir jetkizildi, dep habarlaıdy QazAqparat tilshisi.

ShQO energetıka jáne TÚKSh basqarmasynyń málimetine súıensek, óńir turǵyndaryn kómirmen qamtamasyz etý kórsetkishi 97 paıyzdy qurap otyr.

Oblystyń temirjol tuıyqtarynda 17 myń tonna kómir bar.

Jyl saıynǵy kómir kezegindegi dúrbeleńdi boldyrmas úshin tuıyqjoldardyń sany ulǵaıtylyp otyr.

Kómir tonnasynyń quny 11 900 teńgeden 17 000 teńgege deıingi aralyqta satylyp jatyr.

«Halyqqa barlyǵy 451,7 myń tonna kómir jetkizilgen. Jalpy, jylytý kezeńiniń sońyna deıin Shyǵys Qazaqstanda kómirge suranys 2 mln 715 myń tonnany qurasa, onyń basym bóligi jylý kózderine tıesili. Jylý elektr ortalyqtary men basqa da jylý kózderinde de qatty otyn qory jetkilikti», - deıdi basqarmanyń turǵyn úı-kommýnaldyq sharýashylyq bóliminiń basshysy Samat Súleımenov.