ShQO turǵyndary úshin qansha tonna kómir jetkizildi

ÓSKEMEN. QazAqparat – Shyǵys Qazaqstan oblysyna qyrkúıek-qazan aılarynda kommýnaldyq-turmystyq qajettilik úshin 440 myń tonnadan astam kómir jetkizildi, dep habarlaıdy QazAqparat tilshisi.

QR Indýstrııa jáne ınfraqurylymdyq damý mınıstrliginiń málimetine súıensek, óńirge qazan aıynda 232 myń tonnadan astam qatty otyn jetkizilgen. Bul jospardyń 129% qurap otyr. Al qyrkúıekte 213 myń tonnadan astam kómir temir jol arqyly tasymaldandy.⠀

«Qazaqstanda ártúrli menshik ıeleriniń 63 myńnan astam vagony bar. Olardyń 55% kómir tasymaldaýǵa tartyldy. «Qaztemirtrans» AQ qatty otyndy tasymaldaý úshin 13 myńnan astam ashyq vagondy jumyldyrdy. Bul qazirgi parktiń 66% quraıdy», - delingen aqparatta.⠀

Málim etilgendeı, «Qazaqstan temir joly» Ulttyq kompanııasy ákimdikter men júk jóneltýshilerden halyq arasynda dúrbeleń týdyrmas úshin kómir daıyndaýdy aldyn ala uıymdastyrý týraly birneshe ret ótinish bildirgen. Sonymen qatar kómir kenishterinde ashyq vagondardyń bos turyp qalýyna jol bermeı, tıeý merzimderin saqtaý usynylǵan.

Aıta keteıik, QTJ-nyń ortalyq apparatynda kómir tasymaldaý boıynsha shtab, al jol bólimshelerinde monıtorıngilik toptar jumys isteıdi. Olar kirme joldardyń ıelerimen birlesip strategııalyq júkti jetkizý máselelerin jedel sheshedi.

Eske salsaq, ShQO-da birneshe kún kómir kezeginde turǵan er adam óz-ózin órtep jibermek bolǵan edi.