ShQO turǵyndary sándi kólik nómirlerin alý úshin 243 mln teńge jumsaǵan
ÓSKEMEN. QazAqparat – Shyǵys Qazaqstan oblysynyń turǵyndary sándi kólik nómirlerin alý úshin 243 mln teńge jumsaǵan, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetine súıensek, búgingi tańda aımaq boıynsha 371 436 kólik bar. Bul ótken jylmen salystyrǵanda 1,4%-ǵa kóp. Onyń ishinde jeke tulǵalarǵa – 335 936, al zańdy tulǵalarǵa – 35 500 kólik tirkelgen.
«Osy jyldyń on bir aıynda oblysta 85 941 kólik tirkeýge alyndy. 7 088 kólik birinshi ret tirkelgen. Sondaı-aq 6248 kólik esepten shyǵaryldy. Turǵyndar 923 sándi kólik nómirin 242 755 657 teńgege satyp aldy», - dep habarlady vedomstvo ókilderi.
Jyl basynan beri 46 703 adamǵa júrgizýshi kýáligi berilgen. Onyń ishinde 12 890 azamat birinshi ret júrgizýshi kýáligin aldy.
