ShQO turǵyndary polıtsııaǵa zańsyz saqtalǵan 68 qarý ótkizdi
ShQO Polıtsııa departamenti baspasóz qyzmetiniń málimetine súıensek, sáýir aıynyń 25-nen bastap zańsyz saqtalatyn qarýlardy azamattardan satyp alý boıynsha aktsııa júrgizilýde. Sol ýaqyttan beri azamattar 68 atys qarýyn ótkizgen. Onyń ishinde 11 oıyq jáne 57 tegis uńǵyly qarý.
«Máselen, Úrjar aýdanynda 52 jastaǵy er adam 2021 jyly qaıtys bolǵan kórshisinen qalǵan úsh myltyqty óz erkimen tapsyrdy. Qazirgi ýaqytta sot-ballıstıkalyq saraptama taǵaıyndaldy. Azamatqa qarýlary úshin 230 000 teńgeden astam syıaqy beriledi», - dedi oblystyq PD bastyǵynyń birinshi orynbasary Eldos Zakımov.
Osy rette, vedomstvo ókilderi qarý-jaraq satyp alý aktsııasynyń erekshe ókimge deıin jalǵasa beretinin jetkizdi.
Esterińizge sala ketsek, osyǵan deıin Óskemende bes kúnde jol erejesin buzǵan 26 mototsıkl júrgizýshisi jaýapqa tartylǵanyn habarlaǵan edik.