ShQO turǵyndary dárigerge ınternet arqyly jazylyp, ýaqyt únemdeýde

ÓSKEMEN. QazAqparat - Glýbokoe aýdanynyń turǵyndary «DamuMed» mobıldik qosymshasynyń kómegimen dárigerdiń qabyldaýyna jazylýdy bastap ketti, dep habarlaıdy QazAqparat altaynews.kz-ke silteme jasap.

Elbasy tapsyrmasyna sáıkes, densaýlyq saqtaý salasyn tsıfrlyq baǵdarlamaǵa kóshirý maqsatynda aýdanda birqatar sharýa atqarylyp jatyr.

«DamuMed» mobıldi qosymshasyndaǵy «Menińjazylýlarym» jáne «Meniń shaqyrtýlarym» modýli arqyly turǵyndar dárigerdiń qabyldaýyna aldyn ala jazylyp, jedel járdemdi úıge shaqyra alady. Budan bólek, atalmysh qosymshada «Meniń otbasym», «Dabyl túımesi», «Eńbekke jaramsyzdyq paraǵy», «Retseptter» sııaqty bólimder de qarastyrylǵan», - deıdi aýdandyq aýrýhana bas dárigeriniń orynbasary Borıs Sıvko.

Resmı derek kózderine súıensek, qazir Glýbokoe aýdanynyń 150-ge jýyq turǵyny úıde otyryp-aq, dáriger qabyldaýyna jazylypty. Osylaısha, aýdan turǵyndary ýaqyttaryn únemdep otyr.