ShQO turǵyndary bıýdjet qarajatynyń jumsalýyn qadaǵalaı alady
Arnaıy saıttyń arqasynda oblystyń árbir turǵyny mektepterdiń, balabaqshalardyń, aýrýhanalardyń jáne basqa da memlekettik uıymdardyń bıýdjet qarajatyn qalaı, ne úshin jáne qandaı mólsherde jumsalyp jatqanyn bile alady.
Qazaqstan Respýblıkasynyń Sybaılas jemqorlyqqa qarsy strategııasyna sáıkes memlekettik organdardyń ashyqtyǵyn qamtamasyz etý basty maqsattardyń biri.
Óskemende sybaılas jemqorlyqqa qarsy mádenıetti qalyptastyrý maqsatynda ótken onlaın-trenıng barysynda sybaılas jemqorlyqqa qarsy qarsy qyzmet ókilderi qylmyspen kúresýge kómektesetin mańyzdy aspektilerdi qarastyrdy.
Talqylaýǵa arnalǵan taqyryptardyń biri biregeı joba – bıýdjet qarajatynyń ınteraktıvti kartasy boldy. Osynyń arqasynda elimizdiń kez kelgen turǵyny memlekettik obektilerdi salýǵa, jóndeýge jáne kútip-ustaýǵa bólinetin bıýdjet qarajatyn baqylaı alady. Sonymen qatar karta ár qujattamany salystyrýǵa jáne sáıkessizdikter anyqtalǵan jaǵdaıda shaǵym qaldyrýǵa múmkindik beredi.
«Sybaılas jemqorlyqtyń aldyn alýǵa memlekettik mekemelerdiń qarjylyq derekteriniń ashyqtyǵy men qoljetimdiligi múmkindik beredi. Qazir árbir basshy bıýdjet qarajatyn jumsaý jónindegi derekterdiń kez kelgen adamǵa qoljetimdi ekenin jáne Sybaılas jemqorlyqqa qarsy qyzmetke ótinishterdi tikeleı berýge bolatynyn biledi», – dep atap ótti qazaqstandyq saıasatker Záýresh Battalova.
Búgingi tańda Shyǵys Qazaqstan oblysynyń ınteraktıvti kartasynda jalpy somasy 821,9 mlrd teńgege 3658 bıýdjet jarııalandy. Bıýdjet qarajatynyń jumsalýy týraly barlyq aqparat «PPublicbudget.kz» saıty boıynsha ashyq ári qoljetimdi.