ShQO turǵyndary bıyl medıtsına sapasyna qatysty myńnan astam shaǵym túsirdi
Áleýmettik medıtsınalyq saqtandyrý qory ShQO fılıaly baspasóz qyzmetiniń málimetine súıensek, óńir halqy arasynan medıtsına sapasyna kóńili tolmaı jatqandar az emes.
«Qordyń basty baǵyttarynyń biri – azamattarǵa kórsetilgen medıtsınalyq kómektiń sapasyn baqylap, patsıentter quqyqtarynyń qorǵalýyn qamtamasyz etý. Osy rette birneshe kommýnıkatsııa arnasy boıynsha halyqpen keri baılanys ornatylǵan. Jyl basynan beri bizge shyǵysqazaqstandyqtardan 1306 ótinish kelip tústi», - dedi fılıaldyń halyqty aqparattandyrý jáne túsindirý jumystary jónindegi bólim jetekshisi Saltanat Adamova.
Onyń aıtýynsha, 1406 biryńǵaı medıtsınalyq aqparattyq call-ortalyǵy túsken ótinishter sany jaǵynan kósh bastap tur. Bul nómir arqyly 645 adam habarlasqan.
«Aryz-shaǵymdardyń deni medıtsınalyq kómektiń sapasyna jáne densaýlyq saqtaý salasyndaǵy basqa da máselelerge qatysty. Sondaı-aq azamattar ár túrli keńes surap qońyraý shalýda», - dedi S.Adamova.
Qor mamandary ár shaǵym boıynsha tıisti shara qoldanyp, keıbir medıtsınalyq mekemelerge jospardan tys monıtorıng júrgizdi.