ShQO turǵyndary 15 qarashaǵa deıin emhanasyn aýystyra alady
ÓSKEMEN. QazAqparat – Shyǵys Qazaqstan oblysynda alǵashqy medıtsınalyq-sanıtarlyq kómek kórsetý mekemelerine erkin tirkelý naýqany bastaldy, dep habarlaıdy QazAqparat tilshisi.
Óńir turǵyndary 15 qarashaǵa deıin alǵashqy medıtsınalyq-sanıtarlyq kómek kórsetetin 63 emhananyń bireýine tirkele alady. Olardyń 40-y — memlekettik, 23-i — jekemenshik.
«Azamattarǵa elektrondy úkimet portaly arqyly tirkelýge bolady. Onyń ishindegi densaýlyq saqtaý bóliminde tirkeý qyzmetin tańdaý qajet. Ótinish bergen soń, elektrondy tsıfrlyq qoltańba arqyly habarlama alasyz. Ekinshi ádis – emhanaǵa tikeleı júginý. Buǵan tek zeınetkerler, múmkindigi shekteýli jandar, bala kezinen múgedekterdiń qamqorshylary, kolonııalarda jazasyn óteýshiler, patronattyq tárbıeshiler, stýdentter jáne merzimdi áskerı qyzmetshiler ǵana quqyly», - dedi Áleýmettik-medıtsınalyq saqtandyrý qory ShQO fılıalynyń dırektory Ǵalymjan Ábilov.
Naýqan kezinde emhanaǵa tirkelgen turǵyndar medıtsınalyq kómekti tek 2022 jyldyń 1 qańtarynan bastap alady. ıAǵnı, osy jyldyń 31 jeltoqsanyna deıin azamattarǵa buryn tirkelgen mekemede qyzmet kórsetiledi.
