ShQO turǵynynyń kóliginen 240 keliden astam tiri shaıan tabyldy

ÓSKEMEN. KAZINFORM – Shyǵys Qazaqstan oblysy turǵynynyń kóliginen polıtseıler zańsyz aýlanǵan 240 keliden astam tiri shaıandy tapty. Shaıandar 16 qapqa salynǵan. 

ShQO polıtsııa departamenti baspasóz qyzmetiniń málimetine súıensek, «Brakoner» jedel aldyn alý sharasyn júrgizip jatqan tártip saqshylary «Óskemen-Samar» tasjolynda avtokólikti toqtatqan.

«Tekserý kezinde kólik salonynan tıisti qujattarsyz tasymaldanǵan 16 qapqa salynǵan tiri shaıandardy tapqan. Atalǵan fakti boıynsha qylmystyq is qozǵaldy. Saraptama taǵaıyndalyp, tergeý amaldary júrgizilip jatyr», - delingen aqparatta. 

Kúdikti Óskemenge jetkizildi. Anyqtalǵandaı,ol 240 keliden astam shaıandy basqa adamnan satyp alǵan. 

«Aldyn ala derek boıynsha zańsyz shaıan aýlaýdyń saldarynan memleketke keltirilgen zalal mólsheri 1,6 mln teńgeni qurady», - delingen habarlamada. 

Eske salsaq, osyǵan deıin Óskemende dámhana mańynda máıiti tabylǵan jigitti kimniń óltirgeni kameradan kóringeni habarlanǵan.