ShQO turǵynynyń kóliginen 230 keli tiri shaıan tabyldy
Shyǵys Qazaqstan oblysy Kúrshim aýdanynyń turǵynynan 230 keliden astam tiri shaıan tárkilendi, dep habarlaıdy Kazinform.
Tártip saqshylary «Brakoner» jedel aldyn alý sharasy barysynda Buqtyrma sý qoımasy ýchaskeleriniń biriniń jaǵasynda «VAZ-2121» avtokóligin toqtatty.
Anyqtalǵandaı, kólik tizginindegi 44 jastaǵy jergilikti turǵyn tiri shaıandy zańsyz tasymaldaǵan.
«Kólikten 10 qapqa salynǵan jalpy salmaǵy 230 keliden asatyn tiri shaıan tabyldy. Osynyń saldarynan memleketke keltirilgen materıaldyq zalal mólsheri 1 452 000 teńgeni quraıdy», - dep habarlady ShQO polıtsııa departamentiniń baspasóz qyzmeti.
Jaýap alý kezinde er adam shaıandy belgisiz adamdardan satyp alǵanyn, sodan keıin ony kólikke tıep, satý úshin Óskemen qalasyna jolǵa shyqpaq bolǵanyn jetkizdi.
Qazirgi ýaqytta atalǵan fakti boıynsha QR QK-niń 335-baby 1-bóligimen sotqa deıingi tergeý amaldary júrip jatyr.
