ShQO turǵyny úıinde 35 keli qarasora ósirgen
ÓSKEMEN. KAZINFORM — Shyǵys Qazaqstan oblysy Glýbokoe aýdanynda úıinde qarasora ósirgen er adam ustaldy.
ShQO polıtsııa departamenti baspasóz qyzmetiniń málimetine súıensek, tártip saqshylary qarasorany zańsyz ósirý jáne saqtaý faktisin anyqtady. Glýbokoe aýdanynyń 48 jastaǵy turǵyny ustaldy.
— Úı men sharýashylyq qora-jaılardy tintý barysynda polıtseıler keptirilgen ósimdik bólikteri men 40 túp butany tapty. Saraptama tárkilengen zattardyń esirtki quraldaryna jatatynyn rastady. Negizgi tárkilengen zat baqshadan tabyldy. Úı mańyndaǵy aýmaqta polıtseıler taǵy 156 túp qarasorany anyqtady, — delingen aqparatta.
Tárkilengen zattyń jalpy salmaǵy 34,9 kelini qurady. Er adam ustalyp, ýaqytsha ustaý ızolıatoryna qamaldy.
Qazirgi ýaqytta qylmystyq is qozǵaldy. Tergeý amaldary jalǵasyp jatyr.
Eske salsaq, osyǵan deıin Óskemen turǵyny jylyjaıda qarasora ósirip kelgeni habarlanǵan.
