ShKO turǵyny óz qyzyn birneshe jyl boıy zorlady degen kúdikke ilikti
ÓSKEMEN. KAZINFORM — Shyǵys Qazaqstan oblysy Rıdder qalasynda er adam birneshe jyl boıy óz qyzyn zorlaǵan bolýy múmkin.
Aldyn ala málimet boıynsha, zorlyq qyz shamamen 6 jasta bolǵan kezde bastalǵan. Qazir ol 14 jasta.
Kúdikti shilde aıynyń basynda jumys ornynda ustalǵan. Er adamǵa qatysty qylmystyq is qozǵalyp, ol qamaýǵa alyndy.
Tergeýdi Rıdder qalasynyń polıtsııa bólimi júrgizip jatyr.
— Oqıǵanyń barlyq mán-jaıyn anyqtaý boıynsha qajetti tergeý áreketteri júrgizilip jatyr. Tergeý barysy Shyǵys Qazaqstan oblysy Polıtsııa departamenti basshylyǵynyń baqylaýynda, — dep habarlady ShQO PD baspasóz qyzmetinen.
Qylmystyq is Qazaqstan Respýblıkasy Qylmystyq Kodeksiniń 120-baby 4-bóligi boıynsha — kámeletke tolmaǵan adamdy zorlaý deregi boıynsha tergelip jatyr. Qylmystyq-protsestik kodekstiń 201-babynyń talaptaryna sáıkes, sotqa deıingi tergep-tekserý derekteri jarııa etilmeıdi.
Eske salsaq, osyǵan deıin Aqtóbede 22 jastaǵy jigit mektep oqýshysyn zorlady degen kúdikke ilikkeni habarlanǵan.
