ShQO turǵyny 115 mln teńgege jýyq alaıaqtyq jasady degen kúdikke ilindi
ÓSKEMEN. KAZINFORM – ShQO turǵyny 115 mln teńgege jýyq alaıaqtyq jasady degen kúdikke ilindi. Bul týraly Polisia.kz. habarlady.
Shyǵys Qazaqstan polıtseılerine alaıaqtyq týraly ótinishpen oblys ortalyǵynyń turǵyny júgingen. Jábirlenýshige 2020 jyly tanysy «kásibim úshin qajet» degen syltaýmen ony úlken somaǵa aldaǵanyn habarlaǵan. Er adam ártúrli bıznes túrlerimen aınalysqysy keletinin ıaǵnı, qaıta satý úshin avtomobılder satyp alý, metall óndirý úshin ekskavator satyp alý, azyq-túlik jetkizetin fırmany, ony paıdalaný úshin qymbat sheteldik mashınany satyp alatynyn aıtyp, sheber aıla-sharǵy jasap, jańylystyryp, jábirlenýshiden aqsha alǵany belgili boldy.
Sonymen qatar ol oǵan áıgili brendterdiń kóshirmelerin satýǵa kómektesýge ýáde bergen, biraq olardy ıemdenip alyp, qaıtarmaǵan. Qazirgi ýaqytta zalaldyń jalpy somasy 114 mıllıon teńgeden asady. Polıtseıler alaıaqtyq faktisi boıynsha qylmystyq is qozǵady.
Kúdikti anyqtaldy, ol buryn sottalǵan jáne qazir osyǵan uqsas qylmys jasaǵany úshin qylmystyq jazasyn ótep jatqan 39 jastaǵy Óskemen qalasynyń turǵyny bolyp shyqty. Qazirgi ýaqytta polıtsııa qyzmetkerleri tergeý sharalaryn jalǵastyryp jatyr.
