ShQO turǵyndarynyń kólik pen múlik salyǵyna qaryzy 1 mlrd teńgege jýyqtady

ÓSKEMEN. KAZINFORM – Shyǵys Qazaqstan oblysynda kólik pen múlik salyǵyn tólemegenderge qatysty tıisti sharalar qabyldanyp jatyr.

Óńirde avtokólikke salynatyn salyq boıynsha 38 607 adam 490,4 mln teńge tólemegen. Al múlik salyǵy boıynsha halyqtyń bereshegi – 483,5 mln teńge.

ShQO Memlekettik kirister departamentiniń málimetine súıensek, salyq bereshegin azaıtý maqsatynda keshendi sharalar qabyldanyp jatyr.

- Eger tólem ýaqtyly túspese, salyq tóleýshige habarlama jiberiledi. Bereshek ótelmegen jaǵdaıda ár kún úshin ósimpul esepteledi. Keıin aqshany óndirip alý týraly buıryq shyǵarylyp, is jeke sot oryndaýshylaryna joldanady. Olar múlikti tárkileý, bank shottaryn buǵattaý, elden shyǵýǵa shekteý qoıý jáne kólik júrgizý quqyǵynan aıyrý sııaqty sharalardy qoldana alady, - deıdi departament basshysynyń orynbasary Saıranhan Qabysh.

Sonymen qatar óńirde jyl saıynǵy memorandým aıasynda jeke sot oryndaýshylarynyń óńirlik palatasy, ádilet jáne polıtsııa departamentteri birlesip jumys júrgizedi. Olar bıyl 789 reıd ótkizip, sonyń nátıjesinde 17,6 mln teńge kólemindegi bereshek óteldi. Budan bólek, jumys istep júrgen boryshkerlerden 7,5 mln teńge óndirildi.

Eske salsaq, osyǵan deıin salyq jáne kedendik bereshegi bar tulǵalardyń tizimi jarııalanǵany habarlanǵan.