ShQO turǵyndary sany kóbeıip ketken qundyzdar aǵash qaldyrmaı ma dep úreılenedi
ÓSKEMEN. KAZINFORM — Shyǵys Qazaqstan oblysy Ulan aýdanynyń turǵyndary qundyzdardyń aǵashtardy jıi kemirip júrgenin aıtty.

Áleýmettik jelide Ulan aýdany Baıash Ótepov aýylynda túsirilgen vıdeo tarap ketti. Onda kóringendeı, Sibe kóline aparar joldyń boıyndaǵy shaǵyn ózen jaǵasynda kemirilgen aǵashtar qulap jatyr.
— Jaz shyqqanda jasyl jelekke oranyp, qulpyryp turatyn bul jerde eshteńe qalmaıtyn túri bar. Sebebi qundyzdar qaptap barady. Olar aǵashtardy kemirýin qoıar emes, — deıdi aýyl halqy.
Osyǵan qatysty Almasaı aýyldyq okrýginiń ákimdiginen jaýap berdi.
— Qundyzdar sanynyń birshama óskeni ras. Dese de bul jerde qundyzdar burynnan ózderine bóget jasaý úshin aǵashtardy kemirip, qulatyp tastaıdy, — delingen aqparatta.
Alaıda ázirge qundyz sanyn retteýge qatysty aqparat berilmedi.
Eske salsaq, byltyr Shyǵys Qazaqstan oblysynda qundyzdar Taıynty ózenin tasytyp jibere jazdaǵan bolatyn.