ShQO turǵyndary 385 mln teńgeniń kólik salyǵyn tólemeı júr
ÓSKEMEN. KAZINFORM – Shyǵys Qazaqstan oblysynda turǵyndardyń kólik salyǵyna bereshegi 385 mln teńgege jetken.
Óńir boıynsha kólikterge salynatyn salyq boıynsha halyqtyń bereshek deńgeıi áli de joǵary. Búginde 6907 adamnyń ótelmegen qaryz kólemi 385,9 mln teńgeni qurap otyr.
ShQO boıynsha memlekettik kirister departamenti basshysynyń orynbasary Saıranhan Qabyshtyń aıtýynsha, qaryzdyń basym bóligi 2024 jyldyń qorytyndysy boıynsha qalyptasqan. 2025 jyldyń 1 sáýirinen keıin bereshek kólemi 840 mln teńgege deıin jetken. Qazirgi ýaqytta bul salyqtyń jartysynan astamy jabyldy.
— Bereshekti azaıtý maqsatynda salyq organdary keshendi sharalar qabyldap jatyr. Atap aıtqanda, belgilengen merzimde salyq mindettemeleri oryndalmaǵan jaǵdaıda salyq tóleýshilerge qaryz týraly habarlamalar joldanady. Al merzimi ótken jaǵdaıda árbir keshiktirilgen kún úshin ósimpul esepteledi, — dedi ol.
Eske salsaq, osyǵan deıin Astanada 60 myńnan astam júrgizýshiniń kólik salyǵy boıynsha bereshegi bar ekendigi týraly jazǵanbyz.
