ShQO trassasynda reseılik júrgizýshiniń kóligi jyraǵa túsip ketti
ÓSKEMEN. QazAqparat – Shyǵys Qazaqstan oblysynyń polıtsııa qyzmetkerleri júk kóligi jol jıegindegi jyraǵa túsip ketken reseılik júrgizýshige kómekke keldi, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, oqıǵa «Óskemen-Semeı» tasjolyndaǵy Bulaq aýylynyń mańynda bolǵan.
«Aýa raıynyń qolaısyzdyǵyna baılanysty, naqty aıtsaq daýyldy jelden «DAF» markaly júk kóligi jol jıegine túsip ketken. Kólik tizgininde otyrǵan Reseı Federatsııasynyń 55 jastaǵy azamaty bolyp shyqty. Ol Óskemennen Semeıge qaraı kele jatqan», - delingen habarlamada.
Polıtsııa kapıtany N.Mataıbaev jáne aǵa leıtenant Q.Ázıtaı birden júrgizýshige kómekke keldi. Olar «DAF» kóligin basqa júk kóliginiń kómegimen qaıtadan jolǵa shyǵardy.
