ShQO trassasynda eki eldiń azamattary qutqaryldy
ÓSKEMEN. QazAqparat - Shyǵys Qazaqstan oblysynda Tájikstan men Ózbekstan azamattary mingen avtobýs jolda synyp qaldy, dep habarlaıdy QazAqparat.
«Krasnoıarsk-Saryaǵash» baǵytyndaǵy avtobýs «Almaty-Óskemen» tasjolynda buzylǵan. Polıtsııa qyzmetkerleri joldyń jıeginde turǵan jolaýshylar kóligin baıqaǵan. Іshinde 20-dan astam shetel azamaty otyrǵan. Arasynda 1 bala bar», - dep habarlady ShQO Polıtsııa departamentiniń baspasóz qyzmetinen.
Jaqyn mańdaǵy jol bazasyna jetkizilgen jolaýshylarǵa ystyq shaı berildi. Kelesi kúni shetel azamattary basqa avtobýsqa minip, saparlaryn jalǵastyrǵan.
