ShQO trassasynda dızel otynyn tıegen júk kóligi aýdaryldy
ÓSKEMEN. QazAqparat – Shyǵys Qazaqstan oblysynda «Óskemen-Altaı» tasjolynyń 65-shaqyrymynda dızel otynyn tıegen júk kóligi aýdarylyp qaldy, dep habarlaıdy QazAqparat.
ShQO Polıtsııa departamentiniń málimetine súıensek, oqıǵa búgin saǵat 12.20 shamasynda boldy.
«Dızel otynyn tıegen KamAZ-dy 47 jastaǵy júrgizýshi tizgindegen. Ol Altaı qalasyna qaraı bara jatqan. Kenet er adam rýlge ıe bola almaı qalyp, júk kóligi aýdarylǵan. Abyroı bolǵanda órt tutanbady. Eshkim zardap shekken joq», - dep habarlady vedomstvodan.
Tártip saqshylary júrgizýshige qatysty ákimshilik hattama toltyrdy.
