ShQO trassalarynda aýyr júk kólikteriniń qozǵalysyna shekteý qoıyldy
ÓSKEMEN. QazAqparat – Shyǵys Qazaqstan oblysyndaǵy trassalarda aýyr júk kólikteriniń qozǵalysyna shekteý qoıyldy, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, 1 maýsym men 15 tamyz aralyǵynda saǵat 11.00-den 21.00-ge deıin aýa temperatýrasy +25°S joǵary bolǵan kezde bir oske júktemesi 8 tonnadan asatyn júk kólikteriniń qozǵalysy úshin ýaqytsha shekteý engizildi.
«Bul shekteý júkter men jolaýshylardyń halyqaralyq tasymalyn júzege asyratyn avtokólikterge, sondaı-aq tez buzylatyn taýarlardy, qaýipti júkterdi, jolaýshylar men bagajdy tasymaldaıtyndarǵa qoldanylmaıdy. Aýyr júk tasıtyn júrgizýshilerge engizilgen shekteýlerdi eskere otyryp, marshrýt qurýǵa shaqyramyz», - dep habarlady vedomstvo ókilderi.
Esterińizge sala ketsek, osyǵan deıin Óskemende jeńil kólik pen «jedel járdem» soqtyǵysyp, 5 adam zardap shekkenin habarlaǵan edik.
