ShQO tótenshe jaǵdaı qyzmeti reseılik áriptesterimen jattyǵý ótkizdi
ÓSKEMEN. QazAqparat - Reseıdiń Altaı ólkesi men ShQO tótenshe jaǵdaı qyzmetiniń salalyq bólimsheleri birlesken jattyǵý ótkizdi, dep habarlaıdy QazAqparat tilshisi.
Bul shara shekaralyq eldi mekenderde oryn alatyn tabıǵı jáne tehnogendik sıpattaǵy apattardyń aldyn alý, eskertý júıesin pysyqtaý maqsatynda uıymdastyryldy.
«Jattyǵý barysynda baılanystyń barlyq túrlerin tekserip, birlesken áreketterimizdi pysyqtadyq. Shekaralyq eldi mekende tótenshe jaǵdaı bola qalǵan jaǵdaıda eki jaq birlesip áreket etpekpiz» - deıdi tótenshe jaǵdaılar departamentiniń tehnıkalyq qyzmet jáne habarlaý bóliminiń basshysy Dmıtrıı Agıenko.
Birlesken shara barysynda Altaı ólkesi men Altaı Respýblıkasynyń tótenshe jaǵdaı qyzmetteri Shyǵys Qazaqstanǵa jalpy qoldanystaǵy telefon arqyly, elektrondy poshta men qysqa jelilik rado tolqyny arqyly habarlasyp, baılanystyń úzdiksizdigine kóz jetkizdi.
