ShQO taýly jerlerinde qar kóshkini qaýpi joǵary bolyp tur

ÓSKEMEN. KAZINFORM - Shyǵys Qazaqstan oblysynyń taýly jerlerinde apta sońyna deıin qar kóshkini júrý qaýpi joǵary.

қар көшкіні
Фото: ШҚО ТЖД

ShQO Tótenshe jaǵdaılar departamenti baspasóz qyzmetiniń málimetine súıensek, 23 aqpanǵa deıin óńirdiń taýly jerlerinde qar kóshkini júrý qaýpi joǵary.

- Meteorologııalyq jaǵdaıdyń ózgerýine, qardyń jıi jaýýyna jáne jeldiń kúsheıýine baılanysty oblystyń taýly jerlerinde qar kóshkini túsýi yqtımal. Osy rette, turǵyndarǵa barynsha abaı bolýdy, eshbir jaǵdaıda taýǵa shyqpaýdy eskertemiz. Eger qandaı da bir qıyndyqqa tap bolsańyzdar birden «112» nómirine qońyraý shalyńyzdar, - dep habarlady vedomstvo ókilderi.

Sondaı-aq qutqarýshylar óńir jurtshylyǵyna alys saparǵa shyǵar aldynda joldardyń jaı-kúıin «Dármen» mobıldik qosymshasy arqyly tekserip otyrýǵa keńes berdi.

Eske salsaq, osyǵan deıin ShQO-da jer úılerde órt qaýipsizdigi talaptaryn buzǵan 17 myńǵa jýyq derek anyqtalǵany habarlandy. 

Сейчас читают