ShQO taýlarynda jarylys jasalyp, qar kóshkini túsirildi

ÓSKEMEN. QazAqparat – Shyǵys Qazaqstan oblysynyń taýlarynda jarylys jasalyp, qar kóshkini túsirildi, dep habarlaıdy QazAqparat tilshisi.

ShQO tótenshe jaǵdaılar departamenti baspasóz qyzmetiniń málimetine súıensek, Óskemen-Altaı tasjolynda jasandy jolmen qar kóshkini túsirildi.

Jarylys jumystary nátıjesinde 6090 tekshe metr qar túsirildi. Sodan soń jedel túrde jol qardan tazartyldy.

«Mundaı sharalardy taýda qar jınalǵan kezde, ásirese qalyń qar jaýǵannan keıin ótkizemiz. Oblys boıynsha barlyǵy 325 ýchaskede qar kóshkini júrý qaýpi bar. Olarǵa monıtorıng turaqty túrde júrgizilýde», - deıdi «Qazseldenqorǵaý» ShQ fılıalynyń basshysy Omar Dúzgimbaev.

Eske salsaq, búgin Óskemen-Altaı-Katonqaraǵaı-Rahman qaınarlary tasjolynyń 62 shaqyrymynda qar kóshkini júrgenin habarlaǵan edik.

Foto: ShQO TJD