ShQO taýlarynda qardy túsirý boıynsha jarylys jumystary jalǵasýda
ÓSKEMEN. QazAqparat – Shyǵys Qazaqstan oblysynda jasandy jolmen qar kóshkini túsirildi, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, qar kóshkininiń aldyn alý sharalary «Óskemen-Serebrıanka-Rahman qaınary» tasjolynda júrgizildi.
«Qutqarýshylar men «Qazseldenqorǵaý» ShQ fılıalynyń mamandary atalǵan tasjoldyń 59-65 shaqyrymynda jasandy jolmen qar kóshkinin túsirdi. Sonyń nátıjesinde, 2320 tekshe metr qar túsken», - delingen aqparatta.
Aıta keteıik, qys mezgili bastalǵaly beri óńir boıynsha 58 ret profılaktıkalyq qar kóshkini júrgizilgen. Túsirilgen qardyń jalpy kólemi 48 220 tekshe metrdi qurady.
