ShQO taýlarynda 7 jarylys jasalyp, 10 700 tekshe metr qar túsirildi

Shyǵys Qazaqstan oblysynyń taýlarynda 7 jarylys jasalyp, 10 700 tekshe metr qar túsirildi, dep habarlaıdy Kazinform.

«Qazseldenqorǵaý» ShQ fılıaly mamandarynyń derekteri boıynsha, Altaı aýdanyndaǵy taýlarda qar bıiktigi shamamen 75 santımetrge jetken. Osyǵan oraı azamattardyń qaýipsizdigin qamtamasyz etý maqsatynda «Óskemen-Altaı» tasjolynda profılaktıkalyq qar kóshkini júrgizildi.

— Taý bókterinde 7 ret jarylys jasalyp, 10 700 tekshe metr qar túsirildi. Joldy jaýyp qalǵan qar kóp uzamaı tolyqtaı tazartyldy, — dep habarlady ShQO Tótenshe jaǵdaılar departamenti baspasóz qyzmeti.

Osy rette, qutqarýshylar áli de óńirdiń taýly jerlerinde qar kóshkini júrý qaýpi bar ekendigin aıtyp, turǵyndarǵa barynsha abaı bolý qajettigin eskertti.