ShQO tasjolynda júk kóligi órtendi
SEMEI. QazAqparat - Shyǵys Qazaqstan oblysynda júk kóligi órtendi, dep habarlaıdy QazAqparat Semey News-qa silteme jasap.
Shyǵys Qazaqstan oblystyq Tótenshe jaǵdaılar departamentiniń baspasóz qyzmetinen «Óskemen-Altaı-Rahman qaınary» kúre jolynyń 40-shy shaqyrymynda kele jatqan «Volvo FH 12» júk kóligi órtengenin málim etti.
«Órt kólik qozǵaltqyshynan shyǵyp, salonnyń 7,5 sharshy metri janǵan. Oqıǵanyń sebebi – joǵary qaýpi bar agregatty abaısyz paıdalaný», - dep túsindirip ótti ShQO TJD-niń baspasóz qyzmetinen.
Oqıǵa ornyna KamAZ kólik tsısternasymen órt sóndirý bóliminiń 5 qyzmetkeri shyqty. Olar jalynmen kúrese otyryp, jarylysty boldyrmaý úshin otyn bagyn salqyndatqan.
