ShQO tasjoldarynda aýa raıyna baılanysty kólik qozǵalysy shekteldi
ÓSKEMEN. QazAqparat - Shyǵys Qazaqstan oblysyndaǵy tasjoldarda aýa raıyna baılanysty kólik qozǵalysy shekteldi, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, búgin saǵat 08.00-den bastap «Óskemen-Shemonaıha - RF shekarasy» tasjolynyń 15-123 shaqyramynda tirkemesi jáne jartylaı tirkemesi bar júk kólikteri, sondaı-aq jolaýshy tasıtyn kólikter qozǵalysyna shekteý engizildi.
«Dál osyndaı shekteý «Óskemen-Rıdder - RF shekarasy» tasjolynyń 15-105 shaqyrymynda (Beloýsovka kenti men Rıdder qalasynyń aralyǵy), «Taskesken-Baqty» tasjolynyń 0-75 shaqyrymynda, «Almaty-Óskemen» tasjolynyń 615-967 shaqyramynda (Qalbataý aýyly men Almaty oblysynyń aralyǵy) engizilgen», - delingen aqparatta.
