ShQO tas jolynda qar qursaýynan 35 adam qutqaryldy
ÓSKEMEN. QazAqparat - Jańa jyl merekesinde ShQO TJD qutqarýshylary qar qursaýynan 35 adamdy qutqardy, dep habarlady «QazAqparat» HAA tilshisi.
Óńirde jańa jyl kúnderi qolaısyz aýa raıyna baılanysty eskertý jarııalandy. Jeldiń jyldamdyǵy sekýndyna 28 metrge deıin jetti.
1-3 qańtarda Semeı tas jolynda «Semeı qalasy-Znamenka aýyly» jolynan 40 shaqyrymda qar qursaýynan 14 adam qutqaryldy, olardyń ekeýi bala.
«Semeı-Óskemen» jolynda Almaty tas jolynan 50 shaqyrymda, «Abaı-Semeı» jolynyń 24- shaqyrymynda adamdar qutqaryldy. Órt qyzmetiniń qutqarýshylary men órt sóndirýshileri tehnıka kómegimen jalpy 20 adamdy qutqardy.
Glýbokovskoe aýdanynda jedel járdem qyzmetine kómek qajet boldy. Kólik qarǵa batyp qaldy. Kólik ishinde naýqas adam boldy. Qutqarýshylar mashınany qardan aman-esen shyǵaryp, kólik odan ári ózdiginen júrip ketti.
Evakýatsııalanǵan adamdar ishinde zardap shekkender men qurbandar joq.
