ShQO tabıǵı rezervatynda altyn óndirilgen: Shyǵyn 2,6 mlrd teńgeni qurady
SEMEI. QazAqparat – Shyǵys Qazaqstan oblysynda jer qoınaýyn paıdalanýshylar tabıǵat qorǵaý zańnamasyn buzǵan, dep habarlaıdy QazAqparat tilshisi.
ShQO orman sharýashylyǵy jáne janýarlar dúnıesi ınspektsııasynyń qyzmetkerleri tabıǵat qorǵaý zańnamasynyń buzylǵanyn anyqtady. Osynyń saldarynan tabıǵatqa asa iri kólemde zııan keltirilgen.
13 qarashada «Semeı ormany» memlekettik orman tabıǵı rezervaty Taý-Dala fılıalynyń Jarma orman sharýashylyǵy aýmaǵynda altyn óndirilip kelgeni belgili boldy.
«Jer qoınaýyn paıdalanýshylar Balqyldaq ózeniniń boıynan 50-100 metr qashyqtyqta, ıaǵnı erekshe qorǵalatyn tabıǵı aýmaqta jer qazǵan. Bul, tabıǵat qorǵaý zańnamasyn buzý. Olar jerdiń joǵarǵy qunarly qabatyn alyp tastap, onyń tómengi qabattarymen aralasýyna jol berdi. Sonyń kesirinen jerdiń qunarly qabaty buzylǵan. Tabıǵatqa keltirilgen materıaldyq zalaldyń jalpy mólsheri 2,6 mıllıard teńgeden asady», - dep habarlady ınspektsııa ókilderi.
Qazirgi ýaqytta barlyq materıaldar quqyq qorǵaý organdaryna jiberilgen.
