ShQO tabıǵı resýrstar jáne tabıǵat paıdalanýdy retteý basqarmasyna jańa basshy taǵaıyndaldy

ÓSKEMEN. KAZINFORM – Shyǵys Qazaqstan oblysy tabıǵı resýrstar jáne tabıǵat paıdalanýdy retteý basqarmasynyń basshysy bolyp Arman Esentaev taǵaıyndaldy. Ol buǵan deıin atalǵan basqarma basshysynyń orynbasary qyzmetin atqarǵan.

ShQO ákimi baspasóz qyzmetiniń málimetine súıensek, Arman Naǵashybaıuly – Shyǵys Qazaqstan oblysynyń týmasy.

2004 jyly S.Amanjolov atyndaǵy Shyǵys Qazaqstan memlekettik ýnıversıtetin, al 2011 jyly Qazaqstan-Amerıkandyq erkin ýnıversıtetin aıaqtady.

Eńbek jolyn ShQO jer qatynastary basqarmasynda jetekshi maman bolyp bastaǵan. 

Ár jyldary bas maman, bólim meńgerýshisi qyzmetterin atqardy. 

2012 jyldan bastap ShQO tabıǵı resýrstar jáne tabıǵat paıdalanýdy retteý basqarmasynda jumys istep keledi. 

2018 jyly basqarma basshysynyń orynbasary laýazymyna taǵaıyndalyp, osy ýaqytqa deıin qyzmet etti.

Eske salsaq, osyǵan deıin Asqar Júsibalıev Aqtóbe oblystyq aýyl sharýashylyǵy basqarmasyna basshy bolǵany habarlanǵan.