ShQO Tabıǵı resýrstar basqarmasyna jańa basshy taǵaıyndaldy
ÓSKEMEN. KAZINFORM — Shyǵys Qazaqstan oblystyq Tabıǵı resýrstar jáne tabıǵat paıdalanýdy retteý basqarmasynyń basshysy bolyp Murat Qusaıynov taǵaıyndaldy.
Murat Manarbekuly 1969 jyly Óskemen qalasynda dúnıege kelgen. 1992 jyly Qazaq polıtehnıkalyq ınstıtýtyn taý-ken ınjeneri mamandyǵy, 1996 jyly Lenınogor orman kolledjin tehnık-ormanshy mamandyǵy boıynsha támamdaǵan.
Eńbek jolyn Shyǵys Qazaqstan oblysynyń Aıýda orman sharýashylyǵynda birinshi razrıadtaǵy jumysshy bolyp bastady.
1993-1999 jyldary Ulan aýdanynyń Asý-Bulaq orman sharýashylyǵynda túrli qyzmetterdi atqarǵan. Onyń ishinde, ormanshynyń kómekshisi, orman sharýashylyǵynyń ınjeneri, bas ormanshy boldy. 1999-2015 jyldary osy orman sharýashylyǵynyń dırektory bolyp jumys istedi.
2015-2017 jyldary ShQO Tabıǵı resýrstar jáne tabıǵat paıdalanýdy retteý basqarmasynyń basshysy, 2017-2018 jyldary Ulan aýdany ákiminiń orynbasary laýazymdaryn atqardy. 2018-2025 jyldary qaıtadan ShQO Tabıǵı resýrstar jáne tabıǵat paıdalanýdy retteý basqarmasynyń basshysy boldy.
2025 jyldan osy ýaqytqa deıin Shyǵys Qazaqstan oblysy ákimi apparaty basshysynyń orynbasary bolyp qyzmet etti.
Eske salsaq, osyǵan deıin Qorǵanys mınıstriniń orynbasary taǵaıyndalǵany habarlanǵan.
