ShQO sút óndirisi boıynsha respýblıkada kósh basynda

ÓSKEMEN. QazAqparat – Shyǵys Qazaqstan oblysy sút óndirisi boıynsha respýblıkada kósh basynda tur, dep habarlaıdy QazAqparat tilshisi.

Bul týraly ShQO ákimi Danıal Ahmetov halyqqa esep berý barysynda aıtty.

«Sońǵy bes jylda biz halyqtan sút satyp alý kórsetkishin 18 esege arttyrdyq. Sút óndirisimen aınalysatyn mekemelerdiń júktemesi 29-dan 87 paıyzǵa deıin ósti. Biraq daıyn sút ónimderiniń sapasyna qatysty birqatar másele bar. Álemdik standarttarǵa basa nazar aýdaryp, shıkizattyń qyshqyldylyǵyn azaıtyp, óndiristi zamanaýı tehnologııalarǵa sáıkestendirý qajet», - dedi aımaq basshysy.

Onyń aıtýynsha, osynyń nátıjesinde sút ónimderin Qazaqstannyń basqa aımaqtaryna ǵana emes, kórshi elderge de eksporttaýǵa múmkindik týmaq.

Esterińizge sala ketsek, osyǵan deıin Shyǵys Qazaqstanda 2100 oryndyq 3 mektep salynyp jatqandyǵy habarlanǵan.