ShQO statsıonarlarynda 361 naýqas koronavırýstan emdelip jatyr
ÓSKEMEN. QazAqparat – Shyǵys Qazaqstan oblysyndaǵy statsıonarlarda 361 adam koronavırýstan emdelip jatyr, dep habarlaıdy QazAqparat tilshisi.
ShQO Densaýlyq saqtaý basqarmasy baspasóz qyzmetiniń málimetine súıensek, óńirde sońǵy táýlik ishinde COVID-19 ınfektsııasyn juqtyrǵan 36 adam tirkeldi. Onyń ishindegi 30 naýqasta sımptom bar bolsa, 6 adam syrqatty sımptomsyz ótkerýde.
«Bir kúnde 23 patsıent koronavırýstan tolyqtaı saýyǵyp shyqty. 26 adam úı karantınin aıaqtady. Qazirgi ýaqytta oblys boıynsha statsıonar jaǵdaıynda 361 naýqas em-dom qabyldap jatyr. Jalpy Shyǵys Qazaqstandaǵy statsıonarlarda tósek-oryn júktemesi – 17,4 paıyzdy quraıdy», - delingen aqparatta.
Esterińizge sala ketsek, osyǵan deıin Qazaqstanda ótken táýlikte 1311 adamnan koronavırýs anyqtalǵany habarlanǵan.
