ShQO sportshysy Azııalyq paralımpıada oıyndarynda birinshi oryndy aldy
ASTANA. QazAqparat - Shyǵysqazaqstandyq sportshy Dýbaıda (BAÁ) ótken jasóspirimder arasyndaǵy ІІІ Azııalyq paralımpıada oıyndarynda parajúzýden altyn men kúmis medaldy enshiledi, dep habarlaıdy «QazAqparat» ShQO Dene shynyqtyrý jáne sport basqarmasynyń baspasóz qyzmetine silteme jasap.
Vedomstvonyń habarlaýynsha, dodaǵa jalpy 15 quramadan 1000-nan astam sportshy qatysqan.
«Qazaqstan quramasynyń sapynda Shyǵys Qazaqstan oblysynyń atynan «Múmkindigi shekteýli adamdarǵa arnalǵan sport klýbynan» Nuráli Sovetqanov jalǵyz ózi óner kórsetken bolatyn. Jas jigit sýda júzý saıysynyń alǵashqy kúninde 200 metr qashyqtyqta keshendi júzý boıynsha altyn medalǵa qol jetkizdi», - deıdi ShQO Dene shynyqtyrý jáne sport basqarmasynyń baspasóz qyzmetinen Eljan Qaıyrhanov.
Jarystyń kelesi kúni de Nuráli úshin sátti ótken. Brass ádisimen 100 metr qashyqtyqqa júzýde márege birinshi bolyp jetse, dál sol qashyqtyqta krol ádisimen júzýde kúmis medal enshilegen.
