ShQO sportshylary armrestlıngten Azııa kýbogynda top jardy
ASTANA. QazAqparat - Qazannyń 23-28 aralyǵynda Taraz qalasynda armrestlıngten múmkindigi shekteýli sportshylar arasynda ótken ashyq Azııa kýbogynda Shyǵys Qazaqstannyń sportshylary júldeli oraldy, dep habarlaıdy "QazAqparat" HAA tilshisi.
Bul týraly ShQO Dene shynyqtyrý jáne sport basqarmasy baspasóz qyzmetiniń basshysy Eljan Qaıyrhanuly məlim etti.
Azııa Kýbogyna birneshe memleketten barlyǵy 14 komanda qatysqan. Azııadan kelgen quramalardan bólek, Reseı, Germanııa, Ýkraına, Latvııa, Horvatııa, Bolgarııa, Iran syndy elderden de sportshylar baqtaryn synaǵan.
"ShQO-dan «Múmkindigi shekteýli adamdarǵa arnalǵan sport klýby» atynan 3 sportshy jarys jolyna shyǵyp, joǵary nátıjege qol jetkizdi. Atap aıtsaq, Vladımır Ýfımtsev pen Zarına Prımak óz salmaqtarynda arbaǵa tańylǵandar arasynda 1 orynǵa ıe boldy. Sondaı-aq, estý qabileti nashar sportshylar arasynda Danııar Taımenov te jeńimpaz atandy" - dep habarlaıdy Eljan Qaıyrhanuly.
