ShQO soty esirtki saýdalaǵan Jambyl oblysynyń 2 turǵynyn 11 jylǵa sottady
Ótken jyldyń qazan aıynda ShQO Polıtsııa departamenti esirtki qylmysyna qarsy is-qımyl basqarmasynyń qyzmetkerleri Óskemen qalasynda esirtki tasymaldaý kanalyn uıymdastyryp, marıhýana saýdasymen aınalysqan 2 kúdiktini ustaǵan bolatyn. Jambyl oblysynyń turǵyndarynan jalpy quny 4 mln teńgeni quraıtyn 69 keliden astam keptirilgen marıhýana tárkilengen.
Sonymen qatar osy jyldyń naýryz aıynda tártip saqshylary Rıdder qalasynda esirtki saýdalaǵan er adamdy ustady. Odan 43 keliden astam marıhýana tabylǵan.
«ShQO Qylmystyq ister jónindegi mamandandyrylǵan aýdanaralyq sottyń úkimimen 3 aıyptalýshy da QR Qylmystyq kodeksiniń 297-baby 3-bóligimen kináli dep tanylyp, árqaısysy 11 jylǵa bas bostandyqtarynan aıyryldy. Olar óz jazasyn qaýipsizdigi barynsha joǵary túzeý mekemesinde óteıdi», - dedi oblystyq PD bastyǵy Saǵat Mádıev.