ShQO: Sońǵy úsh jylda latyn álipbıin nasıhattaý maqsatynda 2 myńnan astam shara ótken

ÓSKEMEN. QazAqparat - Shyǵys Qazaqstan oblysynda sońǵy úsh jylda «Rýhanı jańǵyrý» baǵdarlamasynyń «Memlekettik tildi latyn qarpine kóshirý» jobasy boıynsha 2 myńnan astam shara ótkizilgen, dep habarlaıdy QazAqparat.

Bul jaıly oblys ákimdiginde ótken jıyn barysynda ShQO Tilderdi damytý basqarmasynyń basshysy Roza Tólemisova málim etti.

«2017-2019 jyldar aralyǵynda óńirimizde latyn álipbıin nasıhattaý maqsatynda 2 myńnan astam shara ótip, oǵan 141 myń adam qatysqan. 14 muǵalim Nur-Sultan qalasynda qaıta daıarlaýdan ótti. Ótken jyly jańa álipbıdiń emle-erejelerin oqytýǵa arnalǵan 36 saǵattyq baǵdarlama negizinde uıymdastyrylǵan arnaıy kýrstar 692 adamdy qamtydy» - deıdi ol.

Sondaı-aq Abaıdyń 175 jyldyǵy qarsańynda «Jańa álipbımen Abaıdy oqy» sharasy ótip, stýdentter aqyn muralaryn latyn qarpinde jazyp, oqyǵan.