ShQO Іshki saıasat basqarmasyna jańa basshy taǵaıyndaldy
ÓSKEMEN.KAZINFORM – Shyǵys Qazaqstan oblysy Іshki saıasat basqarmasynyń basshysy laýazymyna Aıdar Sadyrbaev taǵaıyndaldy.
Aıdar Serikqazyuly Abaı oblysy Jańasemeı aýdany Novopokrovka aýylynda dúnıege kelgen. Qazaq ınnovatsııalyq gýmanıtarlyq-zań ýnıversıtetin «Tarıh» mamandyǵy boıynsha támamdaǵan.
- Eńbek jolyn qazaq tili men ádebıeti pániniń muǵalimi bolyp bastap, keıin aýdandyq bólim mamanynan qala jáne oblys deńgeıindegi basshylyq qyzmetterge deıin jetti. Abaı oblysynyń Qoǵamdyq damý basqarmasyn basqardy. Sondaı-aq Abaı oblysy boıynsha «Amanat» partııasynyń tóraǵasy bolǵan, - dep habarlady ShQO ákimdiginen.
Oblys ákimi Nurymbet Saqtaǵanov basqarmanyń jańa basshysyn ujymǵa tanystyrdy. Óz sózinde ol Aıdar Sadyrbaevtyń mol tájirıbesi men kásibı biliktiligi óńirdiń ishki saıasat salasyndaǵy mindetterdi tıimdi júzege asyrýǵa múmkindik beretinine senim bildirdi.
Eske salsaq, buǵan deıin Qonaev qalasyna jáne Qarasaı aýdanyna jańa prokýror taǵaıyndalǵany habarlanǵan.