ShQO: Shemonaıha aýdanynda dala órti 6 gektarǵa jaıylyp ketti

ÓSKEMEN. QazAqparat – Shyǵys Qazaqstan oblysy Shemonaıha aýdanynda 6 gektardy sharpyǵan dala órti aýyzdyqtaldy, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, 2 qyrkúıek kúni Shemonaıha aýdanynda shóp órtengen. Oqıǵa ornyna qutqarýshylar shuǵyl kelip jetti.

«Tilsiz jaýdyń jalpy aýdany 6 gektardy quraǵan. Kóp uzamaı jalyn tolyqtaı aýyzdyqtaldy. Órtti óshirýge jeke quramnan 4 adam men 1 tehnıka jumyldyrylǵan», - dep habarlady vedomstvo ókilderi.

Aıta keteıik, bıylǵy órt qaýpi joǵary kezeń bastalǵaly beri óńir boıynsha 243 shóp janýy tirkeldi.