ShQO shekarashylary bıyl 500-ge jýyq zańbuzýshylyqty anyqtady

ÓSKEMEN. QazAqparat – Shyǵys Qazaqstan oblysynyń shekarashylary jyl basynan beri 500-ge jýyq zańbuzýshylyqty anyqtaǵan, dep habarlaıdy QazAqparat tilshisi.

UQK Shekara qyzmeti Shyǵys Qazaqstan oblysy boıynsha departamenti baspasóz qyzmetiniń málimetine súıensek, bıyl shekarashylar 48 ret qarý-jaraq, oq dári tasymalynyń jolyn kesti.

«Óńirdegi Besqaraǵaı, Borodýlıha, Shemonaıha, Glýbokoe, Altaı, Kúrshim jáne Qatonqaraǵaı aýdandary kórshiles Reseı Federatsııasymen, Úrjar, Zaısan, Tarbaǵataı jáne Kúrshim aýdandary Qytaı Halyq Respýblıkasymen shektesedi. Departament qyzmetkerleri shekarany kúzetip, zańsyz áreketterge tosqaýyl bolýda. Máselen, 2021 jyldyń jeti aıynda 500-ge jýyq zańbuzýshylyq anyqtaldy. Onyń ishinde 28 shekaradan kontrabandalyq zattardy tasymaldaý faktisi tirkelip, jasandy tólqujatpen ótpek bolǵan 36 adam ustaldy», - delingen aqparatta.

Esterińizge sala keteıik, 18 tamyz – el tynyshtyǵyn kúzetetin shekarashylardyń kásibı merekesi. Bıyl Qazaqstandaǵy shekara qyzmetiniń qurylǵanyna – 29 jyl tolyp otyr.