ShQO sharýalaryna 19,1 myń tonna dızel otyny jóneltildi

ÓSKEMEN. QazAqparat – Shyǵys Qazaqstan oblysynyń sharýalaryna 19,1 myń tonna dızel otyny jóneltildi. Bul týraly Energetıka mınıstri Almasadam Sátqalıevtiń óńir turǵyndarymen kezdesýinde aıtyldy, dep habarlaıdy QazAqparat.

«Shyǵys Qazaqstan oblysynyń sharýalaryna kóktemgi egis jumystaryn ýaqtyly jáne turaqty júrgizý úshin 20 myń tonna dızel otynyn bólý kózdelgen. Berilgen ótinimderge sáıkes sharýalardyń atyna dızel otynyn tıep-jóneltý kóktemgi egis jumystary kezeńinde bekitilgen jospardan 19,1 myń tonna dızel otyny jóneltildi», - dedi Almasadam Sátqalıev kezdesýde sóılegen sózinde.

Sondaı-aq, oblys sharýalarynyń ótinimderi negizinde Aýyl sharýashylyǵy mınıstrligimen birlesip, egin jınaý naýqanyna dızel otynyn bólý kólemi bekitildi, ol – 8,5 myń tonna.