ShQO shahtasyndaǵy jarylys: Bir adam mert boldy
ÓSKEMEN. QazAqparat – Shyǵys Qazaqstannyń Artemev shahtasyndaǵy jarý jumystary kezinde bir adam qaza tapty, dep habarlaıdy QazAqparat tilshisi.
Qaıǵyly oqıǵa KAZ Mineralsqa qarasty «Shyǵystústimet» JShS-niń Artemev shahtasynda bolǵan.
«2019 jyldyń 17 shildesinde saǵat 20:00 shamasynda «Samid» JShS shahta aýmaǵynda jarý jumystary atqarylǵan. Osy kezde atalmysh merdiger uıymnyń qyzmetkeri jarylystan zardap shegip, qaza tapty. Oqıǵa ornyndaǵy barlyq jumystar toqtatyldy. Keleńsiz jaıdyń sebepteri men mán-jaıyn anyqtaý úshin tergeý komıssııasy quryldy», - deıdi KAZ Minerals tobynyń Shyǵys Qazaqstan oblysy boıynsha buqaramen baılanys menedjeri Ermek Dúzkenov.
Eske salsaq, ótken aptada atalmysh kásiporynnyń Orlov shahtasynda da bir adam kóz jumǵan bolatyn.
