ShQO shahtasynda qaza tapqan jumysshylardyń otbasyna barlyq qajetti kómek kórsetiledi

ÓSKEMEN. KAZINFORM – Shyǵys Qazaqstan oblysyndaǵy «Ertis» shahtasynda kóz jumǵan 4 adamnyń otbasyna barlyq qajetti kómek kórsetiledi.

ShQO ákimi Ermek Kósherbaev «Ertis» shahtasynda qaza bolǵan jumysshylardyń otbasylaryna baryp, kóńil aıtty. Jumysshylardyń ekeýi «Shyǵystústimet» JShS-nyń, ekeýi merdiger uıymdardyń qyzmetkeri. Taǵy bir zardap shekken jumysshy aýrýhanaǵa jatqyzyldy.

«Marqumdardyń otbasylaryna barlyq qajetti kómek kórsetiledi. Bul úshin oblystyq jedel shtab qurylǵan. Qazir arnaıy komıssııa qaıǵyly jaǵdaıdyń mán-jaıyn anyqtap jatyr», - deıdi óńir basshysy Ermek Kósherbaev.

Eske salsaq, keshe Shyǵys Qazaqstan oblysyndaǵy «Ertis» shahtasynda 4 adam qaza bolǵany habarlanǵan.