ShQO: Rıdderde zeınetkerdi tonaǵan kúdiktiler ustaldy
ShYǴYS QAZAQSTAN. QazAqparat - Rıdderde zeınetkerdiń úıine basyp kirip, tonap ketken kúdiktiler ustaldy, dep habarlaıdy QazAqparat tilshisi oblystyq ІІD baspasóz qyzmetine silteme jasap.
Oqıǵa besinshi mamyr kúni bolǵan. Ol týraly polıtsııaǵa tonaýǵa túsken zeınetkerdiń 70 jastaǵy jubaıy málim etken. Zardap shegýshiniń aıtýynsha, kúdiktiler qarııanyń úıde jalǵyz qalǵanyn paıdalanǵan.
«Polıtsııa qyzmetkerleri tonaý bolǵan aýmaqty túgeldeı qarap, zardap shegýshimen sóılesken soń naqty áreketke kóshti. Nátıjesinde 32 jastaǵy Rıdder qalasynyń 2 turǵyny ustalǵan. Ekeýi de buǵan deıin birneshe ret sottalǵany anyqtalyp otyr» - deıdi departamenttiń memlekettik til jáne aqparat basqaramasy basshysynyń mindetin atqarýshy Aıgerim Nurǵazına.
Kúdiktiler zeınetkerdiń úıine sý suraı kirip, keıin onyń qol aıaǵyn skotchpen baılap tastaǵan. Qarııany qorqytý arqyly tonaýshylar úıdegi altyn buıymdardy alyp, iz sýytqan. Kelgen shyǵynnyń kólemi jarty mıllıon teńgege baǵalanyp otyr.
Kúdiktiler ýaqytsha qamaýǵa alynyp, ústerinen qylmystyq is qozǵaldy.
