ShQO prokýratýrasy sý tasqynyna daıyndyqty talqylady
Іs-sharaǵa oblys ákiminiń orynbasary, Tótenshe jaǵdaılar departamentiniń, ShQO Tabıǵat paıdalaný jáne tabıǵı resýrstaryn retteý basqarmasynyń, «Shyǵys Sý Qoımalary» mekemesiniń basshylary, sondaı-aq, beıne konferentsııa baılanysy arqyly qala, aýdan ákimderi qatysty.
Ýákiletti organdar kóktemgi sý tasqyny merziminde tótenshe jaǵdaılardyń táýekelin azaıtý boıynsha qabyldanatyn sharalar týraly baıandady. Atap aıtqanda, josparǵa saı qajetti tehnıkalar men sýdy bógeý materıaldary jetkizilgen.
Eldi mekenderden qar shyǵarylyp, qorǵaý bógetteri nyǵaıtyldy, ózenderdiń jaǵalaryn bekitý jumystary júrgizildi.
«Aýyldar men qalalardy sý basý qateriniń aldyn alý úshin adamdardy ýaqytsha ornalastyrý pýnkteri, sondaı-aq, avarııalyq-qutqarý jumystaryn júrgizý úshin jedel top quryldy, adamdardy kóshirý baǵdarlary ázirlendi",- delingen oblys prokýratýrasy taratqan aqparatta.
Esepterdi tyńdaǵan oblys prokýrory ótken jyly oryn alǵan ahýaldy boldyrmaý boıynsha qosymsha sharalardy qabyldaý qajettiligin atap ótti.
Sondaı-aq, barlyq ýákiletti jáne múddeli organdarǵa aldaǵy sý tasqyny merzimine basa nazar aýdarý talap etildi. Basty mindet -azamattardyń qaýipsizdigin qamtamasyz etý, olardyń múlkin saqtaý, qorshaǵan ortaǵa jáne memleketke keltiriletin yqtımal zalaldyń aldyn alý.
Osyǵan baılanysty jaýapty organdarǵa naqty tapsyrmalar berildi.
Atap aıtqanda, jumys toptarynyń sońǵy tekserisi nátıjesinde anyqtalǵan buzýshylyqtardy joıý, profılaktıkalyq jarylystardyń júrgizilýine baqylaýdy qamtamasyz etý, ózenderdiń qaýipti jerlerinde muzdy bólshekteý jumystaryn júrgizý tapsyryldy.