ShQO prokýratýrasy Rıdderdegi JEO basshylyǵyna qatysty tekserýdi bastady

ÓSKEMEN. QazAqparat – Shyǵys Qazaqstan oblysynyń prokýratýrasy Rıdderdegi jylý elektr ortalyǵynyń basshylyǵyna qatysty tekserýdi bastady, dep habarlaıdy QazAqparat tilshisi.

Rıdder qalasyndaǵy jylý elektr ortalyǵynda bolǵan tótenshe jaǵdaıǵa baılanysty jedel shtab qurylǵan. Oblys ákimdiginiń málimetinshe, másele aımaq basshysy Danıal Ahmetovtyń jeke baqylaýynda.

«ShQO prokýratýrasy jylý elektr ortalyǵynyń basshylyǵyna qatysty tekserýdi bastady. Halyqtyń alańdaýyna esh negiz joq. Ortalyq qazandyqtaryn iske qosý algorıtmi ázirlengen», - delingen aqparatta.

Eske salsaq, keshe Rıdderdegi jylý elektr ortalyǵynda tótenshe jaǵdaı boldy. Qazandyqtar jumysyn toqtatyp, halyq jylýsyz qalǵan.

Ortalyqtaǵy tótenshe jaǵdaı sapasyz mazýt saldarynan bolǵany anyqtaldy . JEO basshylyǵynyń salǵyrttyǵynan mazýt durys tekserilmegen. Belgili bolǵandaı, oǵan sý qosylǵan.