ShQO prokýratýrasy 7 myń gektar paıdalanylmaǵan jerdi memleket menshigine qaıtardy
ÓSKEMEN. QazAqparat - ShQO Kúrshim aýdanynyń prokýratýrasy jer zańnamasy normalaryn saqtaýdy tekserip, memleket bólgen aýqymdy jer aýmaǵynyń tıisinshe paıdalanylmaı, bos jatqanyn anyqtady.
Kúrshim aýdanynyń ákimine buzýshylyqtardy joıý týraly usynys jasaldy. Nátıjesinde memleketke alty aıda jeti myń gektardan astam jer qaıtaryldy. Onyń kadastrlyq quny - shamamen 43 mıllıon teńge.
Aıta keteıik, 2015 jyly Kúrshim aýdanynda prokýratýranyń aralasýymen, jalpy aýmaǵy 9 myń gektar, kadastrlyq quny 33 mıllıon teńge bolatyn 23 jer telimi memleket menshigine qaıtarylǵan edi.
