ShQO: Prokýratýranyń aralasýynan keıin aýany lastaǵan kásiporynǵa salynǵan aıyppul 174 ese kóbeıtildi
ShQO sotynyń málimetine súıensek, Altaı aýdanyndaǵy kásiporyn aýaǵa shyǵarylǵan zııandy zattar mólsherin ruqsat etilgen shekten asyryp jibergen. Sol úshin kásiporynǵa memlekettik ekologııalyq ınspektor 256 615 teńge mólsherinde aıyppul saldy. Alaıda iske prokýratýra aralasyp, aıyppuldy 44 824 241 teńgege kóterýdi surady.
«Sot barysynda kompanııa ókili óz kinálaryn moıyndady. Alaıda sot ekologııalyq ınspektordyń zalaldy baǵalaý kezinde buzýshylyqtyń barlyq kezeńin esepke almaǵanyn, sol úshin aıyppuldy aıtarlyqtaı azaıtqanyn anyqtady. Zańnamaǵa sáıkes, lastaýshy zattardyń normadan tys shyǵaryndylary nátıjesinde keltirilgen zalaldy baǵalaý memlekettik ekologııalyq baqylaý barysynda júrgizilgen sońǵy tekserýden bastap talap qoıý merzimi ótkenge deıingi kezeńge deıin sozylady. Osyǵan baılanysty aýdandyq sot sheshimimen ShQO mamandandyrylǵan tabıǵat qorǵaý prokýrorynyń narazylyǵy qanaǵattandyryldy», - delingen aqparatta.
Endi aýany lastaǵan kásiporyn 256 myń teńgeniń ornyna 44,8 mln teńge kóleminde aıyppul tóleýge mindetteldi. ıAǵnı, aıyppul mólsheri 174 ese artty.